best replica watch

《蘋果財經》 – 特色住家系列

《蘋果財經》 – 特色住家系列

每一位球迷,面對自己心愛球隊,那一份熱血大家絕對

不能低估!「我唔係瘋狂,不過我係Die hard」,黃俊

平為阿仙奴死忠球迷,追隨阿記近30年後,決定要帶兵

工廠的愛.回家!

「阿迷」黃俊平於2001年透過「租置計劃」,以30萬元

(未補地價)買入此將軍澳寶林邨單位。公屋設計,不

但開則四正實際,內籠闊落,實用面積更達650呎,對

黃俊平夫婦兩口子,空間可算綽綽有餘。

走入大廳,原先一個傳統公屋單位,變成眼前的日式和室。木飾面,配合和紙

Feel的牆紙,瞬間營造日本風情。

想鮮明分開客、飯廳,但怕設計太花巧?設計師鍾志遠(Kason)提醒,秘訣四

個字-「和而不同」!先用不同形狀的木飾面,如條子、格仔,將客、飯廳兩

個空間分開,再用上相同的木紋,緊扣兩邊空間。牆身及傢私,用上柔和的粉

藍、粉綠輕輕點綴,順眼得來頓添層次感。

「原先個則除咗主力牆外,其餘我哋全部都拆晒佢。」單位原為三房間隔,設

計師重新間隔,拆除廚房牆壁,將空間感進一步提升!

講到大廳的焦點,當然是中間的走廊,立體設計,份外突出,「想模仿球員喺

踏入大球場前,經過球員通道。」走入「球員通道」,你就會知道,屋主是

100%阿仙奴粉絲。左邊的紅色框玻璃趟門,門口大大隻「阿仙奴」燙字,輕易

搶去所有人的眼球。主題房面積雖只有約50呎,但眼前的兵工廠招牌、看台、

天空、草地,均令你彷如置身阿仙奴主場酋長球場。當然「球場」絕非「得個

睇字」,牆身後隱藏一張反床及儲物櫃,瞬間將主題房變身客房。

如果主題房是男主人的主場,那主人房則是女主人的天下。設計師巧妙地窗台

下的位置,變成一個收納櫃,令將各式造型的鬆弛熊均有專屬展示位置,「特

別將地台升高,將床褥嵌入,床褥就唔會摭左後面啲公仔。」主人房特設衣帽

間,透明玻璃趟門,令空間一體化。事實上,設計師花盡心思,令全屋格局更

集中,趟門就是秘技之一,「好似呢個通道咁,就算我打開晒啲門,都唔會見

到一道道門阻擋視線,增強空間連貫性。」

全屋重新規劃,更設主題房,「呢個單位裝修費約70萬元,成本最貴就係木器

嗰部分。」以面積而言,主題房成本相對高,包括印刷、隔音措施等。」對於

裝修成本,黃俊平表示物有所值,「我哋喺度長住,唔係炒賣,真係當呢度係

安樂蝸,我覺得呢個投資係值得。」適逢世盃開鑼,「開鑼開始,我就會喺度

長駐啦。」

採訪:倪敏慧、蘇承智

統籌、編撰:倪敏慧

攝影:馮峰、卓振輝

編導、剪接、後期:馮燊明

編審:陳家文

設計單位檔案

物業:將軍澳寶林邨

實用面積:約650方呎

家庭人數:2人

June 2018